Семей ядролық полигоны: шешім мен өзгерістер уақыты: ақпараттық сағат

27 тамыз күні Абай кітапханасының мамандары «Семей полигоны: шешім мен өзгерістер уақыты» тақырыбында Семей қаласындағы «Қарттар мен мүгедектерге арналған жалпы үлгідегі Медико-әлеуметтік мекеменің» тәрбиеленушілері үшін ақпараттық сағат өткізді.
Аталмыш шара қазақ және орыс тілдерінде өтті. Тыңдаушылар полигонның құрылу тарихымен танысып, радиациялық қауіпті аймақта өмір сүрген адамдардың қайғылы тағдырлары жайлы естіп, «Невада–Семей» антиядролық қозғалысын еске алды. Сондай-ақ, полигонның қазіргі кездегі мақсат-міндеттері туралы мәлімет алды. Іс-шара барысында әлеуметтік мекеме тәрбиеленушілері үшін ядролық сынақтардан зардап шеккендерге арналған ескерткіш кешені орналасқан Бейбітшілік аралына виртуалды экскурсия өткізілді.
Шара кезінде қатысушылар көрмеге қойылған кітаптар туралы пікірлесіп, ерекше қызығушылық Вячеслав Кобриннің полигонға арналған қызметі мен поэзиялық шығармашылығына, сондай-ақ Роллан Сейсенбаевтың «Әкеме сағыныш, немесе Әлем құлаған күн» кітабына ауды.
Көрмеде сонымен қатар М. Сәрсекенің орыс және қазақ тілдеріндегі «Семей қасіреті» («Семипалатинская трагедия») кітаптары, БҰҰ мен өзге халықаралық ұйымдардың қатысуымен дайындалған Ю. Куйдиннің үш тілде жарық көрген «Қазақстанның ядролық қасіреті» фотоальбомы, С. Стивенсонның «Мәңгілік қайғы. Ядролық күнделік» еңбегі, К. Бозтаевтың полигонға арналған кітаптары және басқа да еңбектер ұсынылды. Ақпараттық сағат барысында В. Кобриннің «Семей қасіреті» атты поэтикалық жинағынан «Сынақ» өлеңі оқылды.