«Мәңгілік Ел» – жалпы қазақстандықтардың ұлттық идеясы: экспресс-мінбе

Абай атындағы кітапхана 2014 жылдың 12 ақпан күні Қарттар үйінің тұрғындарына «Мәңгілік Ел – жалпы қазақстандықтардың ұлттық идеясы» тақырыбында экспресс-мінбе өткізді.

Тұрғындарға Президент телерадиокешені түсірген «Ұлы далаға ұлы рух» деректі түсірілімі көрсетілді. Кітапхана қызметкерлері Президент жолдауындағы Мәңгілік Ел идеясына баса назар аударып, жолдаудағы еліміздің экономикалық, әлеуметтік дамау стратегияларын тұрғындарға жеткізе түсіндірді.

Еліміздің әлемдегі ең дамыған 30 елдің қатарына кіру тұжырымдамасының ұзақмерзімді басымдықтарын қарттар үйінің тұрғындары аса қызығушылықпен тыңдады. Іс-шара барысында «Қазақстан жолы -2050: бір мақсат, бір мүдде, бір болашақ» тақырыбында слайд көрсетіліп, кітап көрмесі ұйымдастырылды. Шараға барлығы 80 адам қатысты.