«Болашақтың энергиясы»: ақпараттық сағат

  • 14.02.2014

13 ақпан күні Абай атындағы кітапханада Қайнар орталық кітапханасының оқырмандарымен онлайн байланысы арқылы ЭКСПО: «Болашақтың энергиясы» тақырыбында ақпараттық сағат өткізілді.

_SAM7650Шара барысында тыңдаушыларға 1851 жылдан бері өткізілген халықаралық көрмелердің тарихы, оның халықаралық қауымдастықтағы маңызы және жерлесіміз әнші – Әміре Қашаубаевтың 1925 жылы Парижде өткен халықаралық көрмеде этнографиялық концертке қатысқаны туралы ақпарат берілді. Аталмыш шараға «Нұр Отан» партиясының саяси менеджмент мектебі Шығыс Қазақстан аймақтық филиалының директоры А.Қ.Самаев қатысты. Шараға ЭКСПО: «Болашақтың энергиясы» атты 7 бөлімнен тұратын ақпараттық стенд қойылып, тыңдаушылар назарына ұсынылды. Абай, Қайнар аудандарының оқырмандары ЭКСПО- 2017 көрмесін өткізу үшін бөлінген аумақтың көлемі қанша, Семей қаласы осы көрме қандай жетістіктерін ұсынады, қанша ел қатыспақшы? т.б. сұрақтар қойып, өздерін толғандырған сұрақтарына жауап алды.
Шараның мақсаты: ЭКСПО – 2017 көрмесіне оқырмандардың қызығушылығын арттыру.