«Емшан» Морис Симашко: әдеби сағат

2025 жылдың 14 қазанында Абай атындағы кітапхана қызметкерлері, Семей қаласының Жоғарғы гуманитарлық заң колледжінде «100 кітап» ұлттық жобасы аясында әдеби сағат ұйымдастырды.
Әдеби сағат барысында колледждің 1 курс студенттеріне Қазақстанның және бүкіл Орталық Азияның тарихи прозасының негізін қалаушылардың бірі, М. Симашконың өмірбаяны мен шығармашылығы туралы слайд көрсетілімі ұсынылып, шолу жасалды.
Морис Симашконың әр жылдарда жарық көрген «Емшан», «Қоңырау», «Маздак», «Семирамида» сынды кітаптарынан кітап көрмесі ұсынылды.
Студенттерге ақын М. Симашконың қазақтың әйгілі жазушысы Ілияс Есенберлиннің «Көшпенділер» трилогиясын ең бірінші болып орыс тіліне аударғаны, сонымен қатар Ұлы Отан соғысы кезіндегі айыппұл батальондарының тақырыбын көтерген алғашқы кеңестік прозаиктың бірі екені түсіндірілді.
Қатысушылардың басты назары Морис Симашконың әйгілі «Емшан» әңгімесінде болды. Себебі бұл туынды – Қазақстан оқырмандарының таңдауы бойынша елдің 100 үздік әдеби шығармасының қатарына енген бірегей еңбек.
Шарада «Емшан» шығармасындағы тарихи оқиғалар мен көркем бейнелерге ерекше назар аударылды. Студенттер XІІ ғасырдың ортасынан XIV ғасырдың ортасына дейінгі Мысыр тарихының негізгі кезеңдерімен, ондағы Қыпшақ даласынан шыққан Мысырдың сұлтаны болған Бейбарыстың реформаторлық саясатымен және Мысыр мемлекеттілігінің даму жолымен танысты.
Шараға қатысушылар Емшан повесі жайында өз ойларын ортаға салды.
Іс-шара соңында ақын шығармашылығы мен өмірбаяны туралы викторина ойнатылды. Белсенділік танытқан Р. Сырымбетова, С. Қайратқызы, Е. Лаптева, Т. Оспанбаеваға ынталандыру сыйлықтары табысталды.