Қазақ бейнелеу өнерінің негізін салушы: танымдық сағат

  • 19.02.2014

Абай атындағы әмбебап кітапханасының өнер бөлімі 19 ақпан 2014 жылы Әбілхан Қастеевтің туғанына 110 жыл толуына орай «Қазақ бейнелеу өнерінің негізін салушы» атты танымдық сағат ұйымдастырды.

Іс-шара барысында қазақтың әйгілі кескіндемешісі, график-суретші, қазақ бейнелеу өнерінің негізін салушылардың бірі Қазақстанның Халық суретшісі Әбілхан Қастеев жайлы түсірілген деректі фильмнің көрсетілімі болды.
_SAM8074

Халық өмірінің алуан көріністерін шынайы бейнелеген мыңнан астам көркем туындыларды дүниеге келтірген Әбілхан Қастеев қолөнерге, онан соң суретшілік өнерге жастайынан бейім болған. Анасы Айғанша кілем, алаша, бау-басқұр тоқуға, сырмақ сыруға, шым ши жасауға шебер адам болыпты. Әбілхан осы халық өнеріне бала кезінен көз қанықтырып, анасына ою-өрнектер салуға көмектесіп, сурет өнеріне қолын үйретіп өседі. Әбілхан Қастеев сурет салудағы басты тақырыптары табиғат көріністері және кескіндемелік (портреттік) салада жасаған еңбектері қазақ бейнелеу өнерінде ерекше орын алады, сондай-ақ, қазақтың тұрмыс тіршілігі тақырыбында салған еңбектері бір төбе. Осы жайында көркем өнер мектебінің оқытушысы, суретші Жеңіс Мадиярұлы Мұқышов қызықты әңгімелеп берді.

19cb

Іс-шара соңында Әбілхан Қастеевтің туғанына 110 жыл толуына орай арнайы ұымдастырылған сурет салу сайысының қортындысы жасалып, көркем өнер мектебінің бірнеше оқушылары алғыс хатпен марапатталды. Мондай-ақ, суретшінің бейнелеу өнеріндегі туындыларынан фото суретті көрме ұймдыстырылып шолу жасалды.