Кітапхананың алтын қазынасы – ерекше сирек басылымдар

  • 22.04.2013

2013 жылдың 20 сәуірінде облыстық мәдениет Басқармасының бастамасымен қолға алынған «Мәдени WEEKEND» акциясы аясында Шығыс Қазақстан облыстық Абай атындағы әмбебап кітапханасының ұйымдастыруымен, қалалық әкімшіліктің мемлекеттік қызметкерлеріне арнап «Бүкіләлемдік кітап және авторлық құқық» күніне байланысты «Кітапхананың алтын қазынасы – ерекше сирек басылымдар» тақырыбында кітап көрмесі қойылып, көрмеге шолу жасалды.

Өткізілген уақыты: 20 сәуір 2013 жыл. Өткізілген орны: Қайым Мұхаметхановқа арналған ескерткіш аланыңда. Қатысушылар: қалалық әкімшіліктің мемлекеттік қызметкерлері. Қатысушылар саны: 25 адам. Шараның мақсаты: мемлекеттік қызметкерлерді кітапханамыздың сирек қорында сақталған ең ерекше кітаптар топтамасымен таныстыру. Күтілетін нәтиже: кітапханамыздың сирек қорындағы ерекше әдебиеттермен таныстыра отырып, болашақта мемлекеттік қызметкерлермен бірлесіп, еліміздің мәдени өмірінің дамуына үлес қосу.

nn16

2013 жылдың 20 сәуірінде облыстық мәдениет Басқармасының бастамасымен қолға алынған «Мәдени WEEKEND» акциясы аясында Шығыс Қазақстан облыстық Абай атындағы әмбебап кітапханасының ұйымдастыруымен, қалалық әкімшіліктің мемлекеттік қызметкерлеріне арнап «Бүкіләлемдік кітап және авторлық құқық» күніне байланысты «Кітапхананың алтын қазынасы – ерекше сирек басылымдар» тақырыбында кітап көрмесі қойылып, көрмеге шолу жасалды. Шара барысында «Бүкіләлемдік кітап және авторлық құқық» күніне байланысты қысқаша ақпарат беріліп, кітапханамыздың қорындағы кіші форматты кітаптар мен ең ерекше безендірілген Жамбыл Жабаевтың, екі мәрте Социалистік еңбек Ері атанған Ыбырай Жақаевтың «Қанатты сөздері», Кеңес Одағы кезіндегі 15 Одақтық Республикалардың ақындарының еңбектері мен шіркеулік әуендер, икон жазушысы Иван Голиковтың әсемдеген кітаптары, ХІ ғасырдағы Ресей мәдени ескерткіші «Изборник Святослава» атты кітаптың факсимильдік нұсқасы және И.В.Сталиннің еңбектеріне тоқталып өтті. Шолу кітапханамыздың алтын қорындағы ең ауыр, ең көлемді, ең әдемі, ең арзан, ең жұқа кітаптар туралы мәліметтермен толықтырылды. Шара соңында берілген мәліметтер бойынша викториналық ойын ойнатылып, жеңімпаздар сый-сияпатқа ие болды. Мәдениет демалыс қатысушылардың қызығушылығын тудырып, кітапхананың бай қорымен танысқандарына ризашылықтарын білдіре отырып, келешекте де осындай шаралар ұйымдастыруды сұрады.