Библиографиялық біліктілік: әдістемелік-библиографиялық кеңес

  • 13.03.2014

Абай атындағы кітапханада 2014 жылдың 13 наурызында кітапханашылардың кәсіби біліктілігн жетілдіру аясында 8 аудан кітапханашылары үшін «Библиографиялық біліктілік» атты әдістемелік-библиографиялық кеңес өткізілді.

Кітапханадағы библиографиялық жұмыстың маңыздылығы, библиографиялық анықтамаларды орындау, виртуалды анықтамаларды орындаудағы ерекшеліктерді ескеру, электрондық кітапхана, ашық кітапхана жайында біліктілігін арттыру мақсатында өткізілген әдістемелік-библиографиялық кеңесте кітапханада жүргізілетін библиографиялық жұмыстарды тәжірибе түрінде көрсете отырып, библиографиялық анықтамалар түрлерін орындау, виртуалды анықтамаларды орындау барысы, кітапханадағы электрондық ресурстары кеңінен түсіндірілді.

14e

Кітапханадағы анықтама-библиографиялық аппаратты, ақпаратты іздестірудің сан түрлі жолдары жайында айтылды. Сұранысты жедел түрде орындауға септігі тигізетін тақырыптық, электрондық папкалардың көмегі жайында ақпараттар ұсынылды. Анықтамаларды орындау барысында кітапханашылардың кәсіби біліктілігі іс–жүзінде айқындалды.