Марғұлан мұрасы- ұлт мақтанышы: оқу конференциясы
27 наурыз 2014 жылы Абай атындағы кітапхана қызметкерлері Семейдің Шәкәрім атындағы мемлекеттік университетінің оқытушыларымен бірлесіп, әйгілі шығыстанушы, фольклоршы, әдебиетші, археолог, филология ғылымдарының докторы, академик, ҚазССР ғылымына еңбегі сіңген ғалым Ә.Х. Марғұланның туғанына 110 жыл толуына орай «Марғұлан мұрасы- ұлт мақтанышы» атты оқу конференциясын өткізді.
Тарих ғылымдарының кандидаты, танымал археолог Амантай Исин және Шәкәрім атындағы университеттің оқытушылары ғұлама ғалымның телегей-теңіз жаңалықтар ашып, ерен еңбек істер тындырғанын қатысушыларға баяндап берді. Шарада Ә.Марғұланға арналған өлеңдерін Шәкәрім атындағы университетінің студенттері А.Шаймарданова, А.Алипаева және А.Сағындықовалар жатқа айтып, оқырмандар тарапынан үлкен ықыласқа ие болды. Кітапхана қызметкерлері «Марғұлан мұрасы – ұлт мақтанышы» тақырыбында кең көлемде кітап көрмесін ұйымдастырды. Көрмеде 37 кітап және 22 мерзімді басылымдар мақалалары қойылды. Шара слайд көрсетіліммен жалғасты.