Таңғажайып кітап әлемі

23 сәуір 2013 жылы Шығыс Қазақстан облыстық әмбебап кітапханасы «23 сәуір – Бүкіләлемдік кітап және автор құқығы күніне» орай «Таңғажайып кітаптар әлемі» атты әдеби танымдық кітапқұмарлар сайысын ұйымдастырып өткізді.

Өткізілген күні: 23 сәуір 2013 жыл. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар: Мұхтар Әуезов атындағы педагогикалық, радиотехника және байланыс колледждерінің студенттері, кітапхана пайдаланушылары. Қатысушылар саны: 52 адам. Шараның мақсаты: «23 сәуір – Бүкіләлемдік кітап және автор құқығы күніне» орай жас ұрпаққа адамгершілік тәрбие бере отыра, адамның ажырамас бір бөлшегіне айналған баға жетпес дүние кітаптың маңызы мен мәнін түсіндіре отыра, назарларын кітап оқуға аудару. Күтілетін нәтиже: кітап туралы кітапхана қорында бар әдебиеттердің алынып оқылуына ықпал ету.

23 сәуір 2013 жылы Шығыс Қазақстан облыстық әмбебап кітапханасы «23 сәуір – Бүкіләлемдік кітап және автор құқығы күніне» орай «Таңғажайып кітаптар әлемі» атты әдеби танымдық кітапқұмарлар сайысын ұйымдастырып өткізді. Шараға Мұхтар Әуезов атындағы педагогикалық колледждің «Ұлағатты ұстаздар», радиотехника және байланыс колледжінің «Байланыс» командалары қатысып, командалар төмендегідей ойын шарты бойынша сайысқа түсті:

– Кітап – даналық қазынасы (кітаптардың ішінен кітап туралы кітаптарды іріктеу);
– Біздің жерлес жазушыларымыз (Семейлік авторлардың кітаптарын табу);
– Артық білім кітапта: тақырыптық кітап ііріктеу сайысы (Әміре Қашаубаевтың өмір жолы мен «Мәдени мұра» мемлекеттік бағдарламасы аясында шыққан басылымдарды тауып, көрсету);
– «Менің сүйікті кітабым (оқыған көркем әдебиеті туралы ойтолғау);
– Сөздің көркі мақал… (кітап, кітапхана, білім туралы мақал-мәтелдер айтудан сайыс)
– Кітап менің өмірімде (үй тапсырмасы): кітап туралы шағын шығарма, ертегі, новелла т.б. ұсыну.

Шара қорытындысы бойынша 1-ші орынды педагогикалық колледждің «Ұлағатты ұстаздар», 2-ші орынды радиотехника және байланыс колледжінің «Байланыс» командасы иеленді. Кітапханашылар шараға келушілерге буклеттер мен бетбелгілер таратып, оза шыққан командаға сыйлықтар табыстады. Қонақтар кітапхананың арнайы дайындаған «Сіздің кітапхана және өткен іс-шара туралы тілектеріңіз бен ұсыныстарыңыз» атты стендіге өздерінің өзекжарды ой-пікірлерін, тілектерін жазып қалдырды.