Шәкәрім университетінен: сый кітаптар

2014 жылдың 9 сәуірінде Шығыс Қазақстан облыстық Абай атындағы әмбебап кітапхана қорына Шәкәрім атындағы Семей мемлекеттік университеті оқытушылары Шығыс Қазақстан XX ғасырдың басынан бүгінгі күнге дейін кезеңдерді сипаттайтын оқушыларға арналған эксперименттік оқу құралдарын сыйға тартты.

Оқу құралдары: «Шығыс Қазақстан тарихы: ІІ бөлім. Шығыс Қазақстан тарихы ХХ ғасырдың басынан бүгінгі күнге дейін», «История Восточного Казахстана с начала ХХ века до современности», Хрестоматия по «Истории Восточного Казахстана. Часть 2. История Восточного Казахстана с начала ХХ века до современности» және осы оқулықтарға жұмыс дәптерлерінен тұрады. Бұл оқу құралдары Қазақстан Республикасы Білім және Ғылым Министрлгінің «Қазақстан тарихы мектеп курсындағы өлкетану компоненті: оқыту әдістемесі және теория сұрақтары білім берудің гуманистік парадигмасының контексінде» гранттық жобасы шеңберінде апробация үшін дайындалған ШҚО жалпы білім беретін 9 сыныптарға арналған эксперименттік оқу құралдары.

Оқу құралдары екі тілде XX ғасырдың басынан бүгінгі күнге дейінгі Шығыс Қазақстан облысының қазіргі заман тарихының маңызды кезеңдерін сипаттайды. Ол «Ежелгі заманнан XIX ғасырдың соңына дейінгі Шығыс Қазақстан тарихы» оқулығының I бөлімінің жалғасы. Жұмыс дәптерлері үйде және сабақ үстінде оқушылардың жұмысын ұйымдастыруға арналған.

Кітапхана қызметкерлері Шәкәрім атындағы Семей мемлекеттік университеті оқытушыларына пайдаланушылардың өлке туралы зерттеу жұмыстарын дамытуда және олардың іскерлік қабілетін дамытуда таптырмас құндылықтармен қордың толыққанына ризашылығын білдіріп, болашақта шығармашылық табыстар тіледі.