Семей өңірінің тарихи тұлғалары: өлкетану оқуы

  • 11.04.2014

2014 жылдың 11 сәуірінде Абай атындағы әмбебап кітапхана библиографтары биылғы жылы аталып өтілетін, Семей тарихымен тығыз байланысты тарихи тұлғалар Ф.Достоевский және Н.Коншинге арналған өлкетану оқуын ұйымдастырып өткізді.

Шараның бұл жолғы тыңдаушылары «Авиценна» медицина колледжінің және М.Әуезов атындағы педагогикалық колледжінің студенттері болды.

011

Ең бірінші болып сөз алған Ф.Достоевсикий мұражайының қор сақтау бөлімінің бас маманы Т.Титаева орыстың ұлы жазушысы Ф.Достевскийдің Семейдегі өмірі туралы қызықты да тың ақпараттарын ұсынды. Саяси көзқарасы үшін жер аударылған, терең білімді азамат, қаладағы қоғамдық кітапхананың негізін қалаған өлкетанушы Н.Коншиннің жергілікті тұрғындардың салт-дәстүрін жинастырудағы ғылыми-зерттеу еңбектері туралы мәліметтер тыңдалды. Кітап қорының бай өлкетану қорынан аталған тұлғалардың өмірі мен шығармашылығы туралы басылымдарды қамтыған «Семей өңірінің тарихи тұлғалары» кітап көрмесімен таныстырылды. Шара слайд шоу арқылы жүргізіліп, тарихы терең Семейдің өткен жылдардағы өмірінен сыр шертетін 1968 жылы түсірілген «Семей қаласына -250 жыл» атты фильмді тамашалады.