Мемлекеттік тіл – мемлекет тірегі: көрме.

Жыл сайын Семей қаласының орталық саябағында Семей қалалық білім бөлімі мен мәдениет және тілдерді дамыту бөлімінің ұйымдастыруымен «Қазақстанның болашағы – қазақ тілінде» тақырыбында тіл фестивалін өткізу дәстүрге айналған. Биылғы жылы бұл игілікті шара 24 сәуір күні өз жалғасын тапты.

Өткізілген күні: 24 сәуір 2013 жыл. Өткізілген орны: Орталық саябақ. Қатысушылар: қала тұрғындары, қала мектептерінің оқушылары. Мақсаты: мемлекеттік тілдің дамуын ақпараттандыру. Күтілетін нәтиже: тұрғындардың қазақ тілі туралы көзқарастарын кеңейту.

Жыл сайын Семей қаласының орталық саябағында Семей қалалық білім бөлімі мен мәдениет және тілдерді дамыту бөлімінің ұйымдастыруымен «Қазақстанның болашағы – қазақ тілінде» тақырыбында тіл фестивалін өткізу дәстүрге айналған. Биылғы жылы бұл игілікті шара 24 сәуір күні өз жалғасын тапты. Аталмыш шараға Шығыс Қазақстан облыстық Абай атындағы әмбебап кітапханасы қызметкерлері қатысып, шараның маңызды өтуіне атсалысты. Елімізде мемлекеттік тілдің дамуын ақпараттандыру мақсатында өткізілген шараға қала тұрғындары мен қала мектептерінің мұғалімдері, оқушылары қатысты. Кітапхана қызметкерлері мемлекеттік тіл және қазақ тілінің тарихы, дамуы туралы кең көлемді көрме ұйымдастырды. Қала тұрғындары мен оқушылар көрмеге қойылған Ф.Оразбаеваның «Тілдік қатынас», 2011 жылы жарық көрген «Мемлекеттік тіл – ұлттық бірегейліктің негізі», А.Ә.Осман «Тіл тәуелсіздігі – ел болашағы» , М.Бұралқыұлы «Қазақ тілінің түсіндірме сөздігі» атты кітаптарына қызығушылық танытты. Көрмеге 48 кітап, 7 мерзімді басылымдарда жарық көрген мақалалар қойылды. Өткізілген шара қазақ тілін құрметтеуге, мемлекеттік тілді дамытуға атсалысуда, жастарға патриоттық тәрбие беруде және кітапқұмарлыққа баулуда маңызды шара болды.