Әлем фотосуретшілері: фотоклубтың отырысы
2014 жылдың 29 сәуірінде ШҚО Абай атындағы әмбебап кітапханада мүмкіндігі шектеулі жандарға арналған «Объектив» фотоклубының «Әлем фотосуретшілері» тақырыбындағы кезекті отырысы өтті.
Бұл жолы фотоклуб мүшелеріне Тим Уокер және Стив Блум сияқты әлемдегі атақты фотосуретшілер, олардың бүкіл әлемді таң қалдырған керемет туындылары туралы ақпарат ұсынылды.
Клуб мүшелері Захарченко Алексей және Наймангожина Оранбике 2014 жылдың 26 сәуірінде өткен «Кітапхана түні» мерекелік шарасына қатысып, көрген қызықты сәттерді фотокамераға түсірген болатын. Отырыста олардың түсірген суреттері көрсетіліп, талқыға салынды. Нәтижесінде дайын фотосуреттерге әділ баға берілді. Фотоклуб мүшелерінің жұмыстарын талқылау барысында клуб мүшелері үнемі фотосессиялар жасап тұруға шешім қабылдады. Жоспарланған келесі отырыс – экологиялық фотосессия тақырыбында болмақ, сондықтан бұл отырысқа құрып бара жатқан Арал теңізіне арналған жас фотосуретшілердің жұмыстарын таңдап алу ұсынылды.