Кітапхана және бос уақыт: сауалнама

  • 22.05.2014

ШҚО Абай атындағы әмбебап кітапхана жүргізген «Кітапхана және бос уақыт» атты сауалнаманың мақсаты оқырмандардың бос уақытын кітапхана қабырғасында ұйымдастыруда, олардың талап-тілектерін анықтау болды. Сауалнамаға 151 адам қатысты, сұхбаткерлердің көбі студенттер болды – 107 адам.

Сауалнаманың «Сіз үшін кітапхана ол не?» деген сұрағына сұхбаткерлердің жауаптары төмендегідей болып бөлінді: оқу оқып, білім алатын жер – 47,7% (72 адам), оқу және мәдениет ошағы –35,1% (53 адам), оқырмандар демалатын орын 17,2% (26 адам).

Оқырмандардың кітапхана қабырғасында көргілері келетін кітап көрмелерінің тақырыптары төмендегідей бөлінді: оқу процессіне байланысты – 21,2%, кәсіби тұрғыда өсуге байланысты – 20,5%, тарихи оқиғаларға байланысты – 17,8%, әдеби ескерткіштерге – 16,5%, мерекелер мен атаулы күндерге арналған – 13,9%, қиял-ғажайып, детектив, қызықты оқиғаларға байланысты – 9,3%, музыкаға, биге, психология мен медицинаға байланысты –0,67% (1 адам).

Біздің кітапхана қабырғасында оқырмандардың қатысқылары келетін сауалнама барысында ұсынылған үйірмелер төмендегідей болды: әдеби үйірме – 21,2% (32 адам), ағылшын тілі және компьютерлік бағдарламалар үйірмесіне қатысатындар саны бірдей болды – 19,2%-дан (яғни әрбіреуіне 29 адамнан), пікірталас үйірмесіне 18,5% (28 адам) қатысқысы келеді, спорттық үстел ойындарына – 11,2% (17 адам), қолөнер үйірмесіне 7,3% (11 адам) және фотосурет үйірмесіне 3,3% (5 адам) қатысар еді.

Сауалнаманың еркін сипаттағы сұрақтарына оқырмандар арасында көптеген ұсыныстар жасалды. Жастардың бос уақытын кітапхана қабырғасында ұйымдастыру үшін мынадай ұсыныстар: жаңадан бастап жүрген кәсіпкерлер клубын; мамандықтар бойынша клубтар; тіл үйренушілер клубын (қазақ, орыс, ағылшын, қытай тілдерін); тарихи оқиғалар, белгісіз жазушыларды зерделеу клубтарын; әдеби; спорттық; би клубтарын ұйымдастыру.

Сауалнама соңында оқырмандардың бос уақыттарын кітапхана қабырғасында қызықты ұйымдастыру үшін жастарды толғандыратын мәселелер төңірегінде әңгіме-сұхбат ұйымдастыру, кітапхана өткізетін іс-шаралар барысында пікірталас жасау, қызықты сайыстар мен көпшіліктің сұрауы бойынша WI-FI құру сияқты ұсыныстар жазылған.