Балалар суретіндегі табиғат көріністері: сурет көрмесі
Абай атындағы кітапханада 2014 жылы 3 маусым күні «Балалар суретіндегі табиғат көріністері» тақырыбындағы сурет көрмесі 1 маусым Халықаралық балаларды қорғау күніне арналған онкүндіктің аясында ұйымдастырылды.
Табиғат көріністерін бейнелей отырып жас ұрпақты табиғатты қорғау, қоршаған ортаны сүюге баулу, жер бетіндегі тіршілік әлеміне деген жауапкершілігін арттырту отбасы мен мектептің және қоғамның басты міндетті болып табылады. Жылдың төрт мезігілін, тамаша табиғат сәттерін және балалар ертегілерінен көріністер бейнеленген сурет көрмесіне қалалық Бейнелеу өнері мектебінің оқушыларының туындылары қойылды. Сурет көрмесіндегі оқушылардың қолынан шыққан жиырмадан астам тамаша туындылар көрермендер назарына ұсынылып отыр. Көрмеге қойылған ең үздік туындыларға мамандар тарапынан орындар тағайындалып, оқушылар мақтау қағаздарымен марапатталды. Көрме онкүндік бойы жалғасын табады.