Таңғажайып табиғат әлемі: экологиялық сағат
2014 жылдың 4 маусымында Абай атындағы кітапхана қызметкерлері Бүкіләлемдік балаларды қорғау күніне орай Жастар сарайында жаздық демалыстарын өткізіп жатқан мектеп оқушыларына арнап «Таңғажайып табиғат әлемі» атты экологиялық сағат ұйымдастырды.
Ұйымдастырылған шараның бағдарламасына: Қазақстанның табиғи әлемі, сирек кездесетін және Қазақстанның Қызыл кітабына енген жан-жануарлар мен құстар туралы мәліметтер енді. Шараға қатысушылардың білім деңгейін кеңейту мақсатында табиғат әлемі, жануарлар мен құстар әлемі туралы викториналық сұрақтар қойылып, тапқыр оқушыларға сыйлықтар таратылды. Викторина сұрақтарына белсене қатысқан Назарбаев интеллектуалды мектебінің 5 сынып оқушысы Власова Варвара, №28 мектептің 7 сынып оқушысы Айболатов Алдиар және №6 гимназия мектебінің 6 сынып оқушысы Серғалимов Сұлтан жаратылыстану, табиғаттану, тіршілік әлемі туралы білімдерінің жоғары екенін көрсетті. Экологиялық сағаттың соңында оқушылар «Шығыс Қазақстанның табиғаты» атты деректі фильмді тамашалап, «Табиғат тамашалары» атты кітап көрмесімен танысты.