Қазақтың ұлттық ойындары: танымдық сағат

  • 10.06.2014

Абай атындағы кітапхана қызметкерлері 2014 жылдың 10 маусымы күні Халықаралық балаларды қорғау күніне арналған онкүндіктің аясында қалалық №7 мектеп – лицей жанындағы жазғы демалыс лагері оқушыларына «Қазақтың ұлттық ойындары» тақырыбында танымдық сағат өткізді.

Шара барысында халықаралық балаларды қорғау күнін атап өту 1949 жылы Халықаралық демократиялық әйелдер федерациясының сессиясында шешім қабылданғандығы жайында және халықаралық балаларды қорғау күнін бірінші рет 1950 жылы өткізілгендігі туралы мәліметтерден деректер келтіріліп өтті. Бұл күн тек қана думанды мейрам емес, қоғамдағы адами құндылықтар мен балалар құқығын қорғау, құрмет тұтуға саятын үлкен аталмыш қуанышты күн.

10

Балалар күніне арналған іс-шара барысында қазақтың ұлттық ойындарының бірнеше түрлері ойнатылды. Балалар арасында өткізілген «Арқан тарту», «Қол күшін сынау», «Орамал тастау», «Орын тап», «Ұшты-ұшты» т.б ойындары қызықты өтіп, ойын соңында жеңімпаздарға ойыншықтар мен басқа да сыйлықтар тарту етілді.

№7 мектеп – лицей жанындағы жазғы демалыс лагері оқушыларының назарына «Бақытты балалық шақ» тақырыбында көрме ұйымдастырылды. Аталмыш көрмеге балалар тақырыбына жазылған өлеңдер жинағы, грампластинкалар, ноталар, ғаламтордан алынған әртүрлі мәліметтер қойылып, шолу жасалды.