Жазғы саябақтағы детективтер: библиодесант

  • 11.06.2014

Абай атындағы кітапхана 2014 жылдың 11 маусымы күні Орталық саябақта жұртшылықтың кітап оқу мәдениетін көтеру мақсатына негізделген «Оқитын Семей» акциясын өткізді.

Акция аясында қала тұрғындары мен саябақ демалушылары үшін кітапхана қызметкерлері жаңа бағытта «Библиодесант» шарасын ұйымдастырды. Библиодесант шарасы арнайы дрэс-кодымен – кітапхана қызметкерлері бастарына көкшіл пилотка, мойындарына сары галстук тағып, шара тақырыбына сай әзірленген парақшалармен ерекшеленді. «Жазғы саябақтағы детективтер» тақырыбындағы библиодесант саябақ демалушылары мен қала жұртшылығына кітапханамызға жаңадан келіп түскен детектив жанрындағы және көркем әдебиеттермен танысып, демалыс уақыттарын пайдалы өткізу үшін ұйымдастырылды.

9

Семейліктерге Н .Андрееваның, Т. Степанованың, Т. Полякованың, Д.Калининнің, Д.Донцованың, В.Казанцевтің, Ч. Абдуллаевтің, В. Колычевтің, Нора Робертстің және «Мәдени мұра» бағдарламасымен «Әлем әдебиеті кітапханасы» сериясымен басылып шыққан Александр Сергеевич Пушкиннің шығармалар жинағы ұсынылды. Жинақта А.Құнанбаевтың, Қ.Аманжоловтың, М.Әлімбековтың, Қ.Бекхожиннің, Ф.Оңғарыснованың, С.Мәуленовтың, Т.Жароковтың, С.Ақсұңқарұлының, Ғ.Ормановтың аудармалары бар.