Нариман Сұлтанбеков: шығармашылық кездесу
2014 жылдың 12 маусымы күні Абай атындағы кітапханада ақын, Қазақстан Журналистер Одағының мүшесі, «Алтын Жұлдыз» ұлттық телепремиясының лауреаты, жарнама агенттігінің директоры, бірегей тұлға жерлесіміз Нариман Сұлтанбековпен кездесу кеш өтті.
Кездесуге Шәкәрім университетінің журналистика факультетінің студенттері мен қала кітапханашылары қатысты. Бірнеше альбомдардың авторы, терең ойлы өлеңдерімен, өзіндік стилімен қатысушыларды тәнті етті. Кеш барасында Нариман Сұлтанбековтың шығармашылығымен таныстыратын бейне-ролик көрсетіліп, кітапхана қызметкерлері мен студенттер сұрақтар қою арқылы Нариманның автор-орындаушы ретінде түрлі фестивальдарға қатысып, Семен Фарадамен, Семен Слепаковпен, Пятигорск КВН-ойыншыларымен бірлескен концерттерін жүргізгендігін білді. Шығармашылық жолында М.Боярскиймен, А.Розенбауммен, А.Булдаковпен, Ф.Кикабидземен, Б.Алибасовпен сұхбаттасқанын айтып, өзінің өлеңдерін орындап, қызықты оқиғаларымен бөлісіп, кешті жандандыра түсті.