Қазақ халқының салт дәстүрлері: этно-шолу
Абай атындағы кітапхана қызметкерлері 2014 жылдың 25 маусымы күні «Этно – мәдени білім баршаға» секциясы аясында оқырмандарды ұлттық мәдениеттің, салт-дәстүрдің жетістіктерін білуге қатыстыру және эстетикалық тәрбие беру мақсатында «Қазақ халқының салт дәстүрлері» тақырыбындағы кітап көрмесіне этно-шолу өткізді.
Шара барысында қазақ халықының қазіргі күні ұмыт болмаған және жаңадан енген салт-дәстүрлер туралы мәліметтерден деректер келтіріліп өтті. Салт-дәстүрдің ұрпақ тәрбиесіндегі мәні зор. Қазақтың салт-дәстүрлері: тұрмыс салтқа, бала тәрбиесіне, әлеуметтік мәдени салт-дәстүрлер болып үш түрге бөлінетіндігі және олардың қоғамдағы, отбасындағы маңыздылығы жайында айтылып өтті. Этно шолу барысында оқырмандарға салт-дәстүр мен әдет-ғұрыптың түрлерінен сұрақ-жауаптар ойнатылып, буклеттер таратылды. Кітапхана пайдаланушыларының назарына «Салт-дәстүрім-таусылмайтын байлығым» тақырыбында көрме ұйымдастырылды. Аталмыш көрмеге қазақтың салт-дәстүріне байланысты мақал-мәтелдер, кітаптар, нақыл сөздер жинақтары, фотосуреттер, суретті альбомдар қойылып шолу жасалды.