Абайдың рухани орталығы: саяхат
2014 жылдың 8 шілдесінде Астана қаласынан ғылыми жобалары аясында келген Н.Ә.Назарбаев атындағы зияткерлік мектебінің оқушыларын «Абайдың рухани орталығындағы» кітапхананың алтын қоры – заманында хакім Абай оқыған қазына қормен, өлкетану ғылыми басылымдарымен, түркітануға қатысты сирек дереккөздермен кеңінен таныстырдық.
Кітапхананың сирек басылымдар қорындағы ұзақ жылдар тиым салынып, «арнайы қорда» сақталған ұлт зиялыларының, алаш арыстарының көзінің тірісінде араб, латын графикасында жарияланған шығармалары туралы оқушылардың алған деректерін Қазақ Инновациялық-гуманитарлық Заң Университетінде орналасқан «Алаштану» ғылыми-зерттеу орталығының жұмысымен, алаш арыстары, ұлт зиялылары және еліміз жайлы ғылыми басылымдарымен, тұлғалық энциклопедияларымен, алдағы жобаларымен танысып, өздерін қызықтырған сауалдарын қойып, кітапханадан алған ақпараттарын толықтырды.