Қазақстанда іске асырылып жатқан үздік әлеуметтік жобалар: байқау

2014 жылдың 21 тамызында Абай атындағы кітапхана «Қазақстанда іске асырылып жатқан үздік әлеуметтік жобалар» тақырыбында аймақтық байқауға қатысты. Бұл байқау «ШҚО жұмыспен қамту және әлеуметтік бағдарламаларды үйлестіру басқармасы» ММ-нің ұйымдастыруымен Өскемен қаласында өткізілді.

Абай кітапханасы қатысушылар назарына іске асырылып жатқан мүмкіндігі шектеулі азаматтарға арналған «Объектив» фото-бейне клубы атты әлеуметтік жобасын ұсынды.
Байқау барысында осы жобаны іске асырудағы жетістіктердің қатарында мүгедек жандардың бос уақыттарын тиімді ұйымдастырып, клуб мүшелері фототехника негіздерін меңгеріп, электронды фотоальбомдар жасап, шығармашылық жұмыстар жазуды үйреніп, ең бастысы олар өздеріне пікірлес достар тапқанына ерекше мән берілді.

Шығыс Қазақстан облысында іске асырылып жатқан, барлығы 11 әлеуметтік жоба таныстырылды. Олардың ішінде қызықты жобалар : «Дом у дороги», «Берегиня», «Қарлығаш» қайырымдылық үйі, Канистерапия – мүмкіндігі шектеулі жандарды инновациялық технологиялардың және ерекше тұқымды иттердің көмегімен оңалту жобаларын атап айтуға болады. Байқау комиссиясы барлық жобаларды дипломмен және жүлде ретінде ноутбукпен марапаттады.