«Wildlife- фотосурет»: тренинг

2014 жылдың 11 қыркүйегінде Абай кітапханасында мүмкіндігі шектеулі жандарға арналған «Объектив» фотоклубының кезекті отырысы ұйымдастырылды. Бұл отырыс тренинг түрінде «Wildlife – фотосурет» атты тақырыпта өткізілді.

Клуб мүшелеріне фотосурет өнерінің қызықты, әрі күрделі жанрларының бірі wildlife – түсірілімі туралы толық ақпарат берілді.

Wildlife – фотосурет дегеніміз тірі табиғатты фотоаппаратқа түсіріп алу болып табылады. Құстардың фотосуреттері әдетте өте әдемі, әсерлі болып келеді. Себебі олардың түр-түсі түрлі түсті, тұрғылықты жерлері, белсенділік кезеңдері, қылықтары да әр түрлі. Сондықтан да отырыс барысында құстарды қалайша суретке дұрыс түсіру керектігін қарастырдық. Клуб мүшелеріне құстардың фотосуреттері сапалы болу үшін дұрыс уақытты, фотосурет элементтерін, фототехниканы таңдауда бірқатар кеңестер берілді. Қатысушылар шара барысында белсенділік танытты: тақырыпқа байланысты қызықты сұрақтар қойып, мысалдар келтіріп, wildlife- фотосурет жанрындағы туындыларды талқыға салды.