Тілім менің тірлігімнің айғағы: ойын викторина
2014 жылдың 19 қыркүйегі күні Абай атындағы кітапхана қызметкерлері Семей қаласының №8 балалар үйінің тәрбиеленушілеріне «Тілім менің тірлігімнің айғағы» тақырыбында ойын викторина ұйымдастырды.
Шараның мақсаты жас оқырмандарды патриоттық рухта тәрбиелеп тілдің дәрежесін көтеріп, тілді құрметтеп қадірлеуге баулу, өз ұлтына деген, еліне деген сүйіспеншіліктерін ояту. Ана тіліміздің тұғырының мықты болуына негіз қалаған бабаларымыздың өсиетін ұран ету, қазақ тілінің мәртебесін көтеру.
Тіл — өткеннің ұрпаққа қалдырған аманаты, бүгінгі күннің абыройы, ертеңгі күннің кепілі. Балалар үйінің тәрбиеленушілеріне ойын викторина сұрақ-жауап ретінде Қазақстанның тарихы, әдебиеті мен мәдениеті, салт-дәстүрлері жайында болды. Балалар викторинаға қызығушылық таныта қатысып отырды. Тіл жайында мақал-мәтелдер мен жаңылтпаштардың электрондық нұсқасы ұсынылды. Ойын викторинаның соңында белсенді қатысушыларға сыйға кітаптар ұсынылды.