Сіздің салаңыздағы жаңалықтар: мамандар күні
2014 жылдың 3 қазанында Шығыс Қазақстан облыстық Абай атындағы әмбебап кітапханасында «Мәдени сенбілік» аясында, Ұстаздар мерекесіне орай «Сіздің салаңыздағы жаңалықтар» тақырыбында мамандар күні өткізілді.
Қазіргі таңда жас ұрпақ тәрбиесі, жеке тұлғаның жаңаша қалыптасуы ең алдымен мұғалімге байланысты. Өз пәнінің терең білгірі болуды қалайтын және ақпараттық сауаттылықты талап ететін жаңа дәуірдегі қазақ тілі және әдебиет пәнінің мамандары үшін оқытудың озық үлгілері мен жаңа технологиялары туралы салалық жаңа әдебиеттер, оқулықтар, мультимедиялық басылымдар және мерзімді басылым ақпараттарынан ұйымдастырылған шара көңілден шықты. «Ұстаздар, Сіздер үшін» көрмесі қатысушылардың ерекше назарын аударды, шараға қатысқан пән мұғалімдеріне жаңа ақпараттардан шолу ұсынылды. Мамандар қажетті мол ақпараттар алу мүмкіндігіне ие болып ризашылықтарын білдірді.