Дін мен дәстүр: тұсаукесер

  • 15.10.2014

Абай атындағы кітапхана қызметкерлері 2014 жылдың 15 қазанында қаламыздағы М.О.Әуэзов атындағы педагогикалық колледжінің 1-2 курс студенттерінің қатысуымен Қазақстан Мұсылмандары Діни басқармасының Төрағасы, Бас мүфти Ержан қажы Малғажыұлының бастамасымен жарық көрген «Дін мен дәстүр» атты жаңа кітаптың тұсаукесерін өткізді.

15

Мәдени шараға Семей қалалық Ішкі саясат бөлімінен А.С.Садырбаев пен Семей қалалық қос мұнарлы орталық мешіттің наип-имамы Бекзат қажы Боранбайұлы қатысып, жастарға діни білімдерін толықтырып, бағыт-бағдар берді. Кітапта дін мен дәстүрдің тығыз байланысы, дәстүр туралы түсінік, имани қарым-қатынас, қазақ халқының салт-санасы, таным түсінігі жайында жазылған. Кітап жастарды, жалпы оқырмандарды ұлттық құндылықтарды құрметтеуге үндейді.