Анна Ахматова лирикасы – ғасыр үні: әдеби кеш
2014 жылдың 24 қазанында Абай атындағы әмбебап кітапханасы күміс дәуірінің бірегей ақыны, лирикалық миниатюраның танымал шебері Анна Ахматованың туғанына 125 жыл толуына орай «Диалог» кітап сүйер клуб мүшелерімен бірлесе «Лирикалық бастау» атты әдеби кеш өткізді.
Анна Ахматова – өмірін жүрегінен шыққан жырымен әрлеп, өлеңге деген құштарлық жалынын сөндірмей келген ақын. Оның жалынды жырлары талай ұрпақтың жүрек үндерімен үндесіп келеді. Әдеби кеш барысында кітапхана қызметкерлері ақының өмірі мен шығармашылығы туралы мәлімет берсе, «Диалог» клубының мүшелері Анна Ахматова шығармаларынан үзінділер оқыды. Бизнес колледжінің студенттері А. Ахматованың шығармашылығынан әдеби композиция көрсетті. Шараға осы колледждің ұстазы Хожаева Айнаш Тұрсынбекқызы белсене қатысып, ақын өлеңдерінен үзінділер оқыды. Шара барысында оқырмандар «Анна Ахматова лирикасы- ғасыр үні» атты кітап көрмесімен танысып, слайд көрсетілімдерін тамашалады.