Елбасымен нұрлы болашаққа: ашық кітап көрмесі

2014 жылы 14 қарашада Абай атындағы кітапхана қызметкерлері Семей қалалық «Нұр Отан» партиясы бөлімшесінің кезекті отырысына қатысушыларға арнап, «Елбасымен нұрлы болашаққа» тақырыбында ашық кітап көрмесін ұйымдастырды.

Кітап көрмесіне Нұрсұлтан Әбішұлы Назарбаевтың еңбектері, сындарлы ойлары, сұхбаттары, еліміздің жарқын болашағы, халықтың әл-ауқатының артуы, демократиялық дамуы, экономикалық табыстар жайындағы сөйлеген сөздері көпшілік қауымға ұсынылды. Олардың ішінде: «Қазақстан жолы», «Тәуелсіздік белестері», «Сындарлы он жыл», «Елін сүйген, елі сүйген Елбасы», «Халыққа арнау», «Елмен сырласу» тағы басқа кітаптар қойылды. Конференцияға қатысушылар Елбасының жаңа 2015 жылға арналған «Нұрлы жол – болашаққа бастар жол» атты жолдауымен танысты. Кітап көрмесіне барлығы 98 басылым қойылды.