Арғы атам Ер Түрік, біз қазақ еліміз: әдеби-саз кеші

  • 27.11.2014

2014 жылдың 27 қарашасы күні Абай атындағы кітапхана қалалық мәдениет және тілдерді дамыту бөлімі, қалалық мәдениет сарайы,Ә Қашаубаев атындағы филармония, «Дариға-ай» жастар театры, М. Төлебаев атындағы саз колледжімен бірлесіп, Қазақстанның Тұңғыш Президенті күніне орай, «Арғы атам Ер Түрік, біз қазақ еліміз» тақырыбында әдеби-саз кешін ұйымдастырды.

28

Кеш қонақтарын «Ел. Елбасы. Елорда» тақырыбындағы кең көлемді ашық кітап көрмесі қарсы алды. Кеш бағдарламасында «Мәңгілік Ел» идеясының, «Орхон – Енисей» жазба ескерткіштері, қазақ хандығының құрылуы, көне түрік тарихының баға жетпес қазыналарынан бастау алатындығы, халықты ұлтжандыққа, береке-бірлікке шақыратыны туралы кеңінен қозғалды. Әдеби-саз кеші «Ұлы далаға оралған ұлы рух» деректі фильмі көрсетілімімен ашылды. «Дариға-ай» жастар театры Несіпбек Айтұлының сөзіне жазылған «Бәйтерек» дастанына қойылған әдеби-музыкалық композициясын ұсынды.

Сонымен бірге қонақтар «Бибігүл» ұлт-аспаптар оркестрінің орындауында «Махамбет», «Сарыарқа» күйлерін, халық әндерін тыңдап, сахналық көрініс қойылымын тамашалады. Кешке Семей өңірлік гарнизон әскери жасағының қызметкерлері, кітапханашылар және студенттер қатысты.