Біздің оқырманымыздың жоғары жетістігі

Математика бойынша SAT тестілеу нәтижесінде қаламыздағы физика-математика бағытындағы Назарбаев зияткерлік мектебінің оқушысы, біздің тұрақты оқырманымыз – Тілес Уссербаев әлем бойынша үздік деп танылып отыр.

Халықаралық SAT емтиханы дүние жүзі бойынша бір күнде, бір уақытта, тек қана ағылшын тілінде өткізіледі. Осы сынаққа қатысқан Тілес Усербаев математика пәнінен максималды 800 ұпай жинаған. Енді ол Гарвард, Оксфорд пен Кембридж секілді ең үздік оқу орындарында тегін білім алу құқына ие болып отыр. Бірақ Тілес өз таңдауын жасап, Назарбаев университетіне баратынын айтты.
Абай атындағы кітапхана қызметкерлері Тілесті үлкен жетістігімен құттықтап, алдағы асыл армандарына сәт-сапар тілейді!