Кітапханашыларды марапаттау

Әрбір адамның өміріндегідей, кітапхана өмірінде де әр түрлі оқиғалар болып тұрады. 2014 жылдың 12 желтоқсанында Абай кітапханасында Қазақстан Республикасының Тәуелсіздік күні қарсаңында кітапханашыларды марапаттау рәсімі болды.

Абай кітапханасы директорының м.а. Г.М. Аязбаева ұжымды Тәуелсіздік мерекесімен құттықтап, кітапхана қызметкерлерін марапаттау рәсімін Семей қ. мәдениет және тілдерді дамыту бөлімінің басшысы Б.К.Көпбаев өткізді. Ол кітапхана ұжымын мейраммен құттықтап, кітапхана ісінің ардагері, ақпараттық-библиографиялық қамтамасыз ету бөлімінің меңгерушісі З.Т.Мағауинаны, кітап қорын толықтыру бөлімінің кітапханашысы Р.З.Искакованы, дамыту бөлімінің меңгерушісі С.О.Саягубты ҚР Ұлттық кітапханасының «Кітапхана ісінің ардагері» медалімен марапаттады. ҚР Ұлттық Академиялық кітапханасы ұйымдастырған «Жылдың үздік кітапханашысы» сайысына қатысқаны үшін маркетинг және мәдени-әлеуметтік жобалар бөлімінің меңгерушісі Р.Х.Адикаева, қоғаммен байланыс және көпшілік іс-шаралар бөлімінің меңгерушісі Г.Т.Нугуманова «Қазақстанның үздік жыл кітапханашысы» сертификатымен марапатталды. Оқырмандарға қызмет көрсету бөлімінің меңгерушісі А.Т.Жүнісова, өнер бөлімінің меңгерушісі А.А.Мырзалина, оқу залының жетекші маманы М.И.Парфинович белсенді, әрі жемісті еңбегі үшін мәдениет және тілдерді дамыту бөлімінің құрмет грамотасымен марапатталды. Абай кітапханасының кәсіподақ комитеті Тәуелсіздік мерекесімен және лайықты марапаттарымен құттықтады.