Атамбай Оразбаев: ардагер шаңырағындағы кездесу.

6 мамыр 2013 жылы Шығыс Қазақстан облыстық Абай атындағы әмбебап кітапханасы қызметкерлері Ұлы Отан соғысының ардагері, кітапхананың қырық жылдай оқырманы болған, тоқсан жастағы майдангер қарт Атамбай Оразбаевтың үйіне барып, Жеңіс күнімен құттықтап, жауынгердің жүріп өткен соқпақтарын еске түсірте отыра, сыйлықтарын табыстады.

Өткізілген күні: 6 мамыр 2013 жыл. Өткізілген орны: Найманбаев көшесі 152 үй. Шараның мақсаты: 9-мамыр Ұлы Жеңіс күніне орай өскелең ұрпақтың бақыты жолында ұрыс даласында етігімен қан кешкен ардагердің үйіне барып, Жеңістің 68 жылдығымен құттықтап, кітапхана тарапынан сый-сиапат көрсету. Күтілетін нәтиже: ардагердің жауынгерлік өмірімен танысып, соғыс ардагерлеріне құрмет пен ізгілікті қалыптастыру.

6 мамыр 2013 жылы Шығыс Қазақстан облыстық Абай атындағы әмбебап кітапханасы қызметкерлері Ұлы Отан соғысының ардагері, кітапхананың қырық жылдай оқырманы болған, тоқсан жастағы майдангер қарт Атамбай Оразбаевтың үйіне барып, Жеңіс күнімен құттықтап, жауынгердің жүріп өткен соқпақтарын еске түсірте отыра, сыйлықтарын табыстады. Омырауы медальдар мен ордендерге толы Атамбай қарт Ұлы Отан соғысының Батыры Мәншүк Мәметовамен бір дивизияда болған жауынгерлік өмірінен үзінділер келтіріп, Ұлы Отан соғысы кезінде көрсеткен ерліктерін тартымды әңгімелеп берді. Кітапхананың «Өнер өлкесінде» клубының мүшелері, Абай атындағы музыкалық драма театрының әртістері Сыдықов Мырзахан, Омашев Бекзат атаға мерекелік тарту ретінде ана, әке, жеңіс тақырыбындағы әндерді орындады. Ардагер кездесуді ұйымдастырған кітапхана қызметкерлеріне ризашылығын айтып, енді аспанымызды ешқашанда соғыс бұлты шалмасын,- деген тілекпен ақ батасын берді. Шара жергілікті СТР-Қазақстан телеарнасында көрсетілді.