Merry Christmas-Рождество: әдеби сазды кеш

2014 жылы 19 желтоқсан күні Абай атындағы әмбебап кітапханасының шетел әдебиеттер бөлімінің ұйымдастыруымен «Merry Christmas-Рождество» мерекелік іс-шарасы болып өтті.

Сонау Иса пайғамбардың туған күнінен бастау алатын Рождество – христиан дініндегі басты мейрамдардың бірі болып саналады. Алғашқылардың бірі болып Рождество мейрамын Рим халқы тойлады. Жалпы христиан дініндегі халықтар үшін бұл мейрам- ең қызықты әрі қуанышты мереке болып саналады.Кітапхананың шетел әдебиеттер бөліміне қарасты Америка сөресі аясында осы «Christmas» күні өз деңгейінде аталып өтті.
Іс-шараға қаламыздағы № 18 мектептің оқушылары және кітапхана пайдаланушылары жаппай қызығушылық танытып қатысты. Кештің көңілді өтуі үшін «Who is the first?», «Who is the fastest?», «Artist» ойындары ағылшын тілінде ұйымдастырылды.Ағылшын тілінде ойындарды шарттары бойынша дұрыс орындаған жеңімпаздарға сыйлықтар тарту етілді.

Кешке келушілер әртүрлі бейнедегі жана жылдық кейіптерге еніп көңілді күйде жүрсе, Санта клаус , Аяз ата, Каршақыз сынды басты кейіпкерлер келушілермен тікелей жұмыс жасап, ән- думан ұйымдастырып, би билетті.
Кеш соңында әрбір қатысушыларға Алғыс хаттар табысталды. Бұл мейрам әр жыл сайын «Америка сөресі» аясында тойланады.