Салтанаты шеру: тұсаукесер
19.12.2014 Абай атындағы әмбебап кітапханасының өнер бөлімі «Шебер қолдар», «Үкілі домбыра», «Гитара сазы», «Би шәшу» әуесқойлар үйірмелер бірлестіктерінің тұсаукесер шеруін өткізді.
Бірнеше ай бұрын ұйымдастырылып өз жұмысын жүргізіп келе жатқан осы үйірмелер аясында теориялық сабақ, музыкалық сазды сағаттар, слайд-шоу, фильм көрсетілімі, әңгімелесу, талдау, билеу, жеке, топтық, кездесулер түрінде іс-шаралар жүргізіліп, кітапхананың жұмыс жоспарына енгізілді.
Бөлімнің осы үйірмелерді ашудағы мақсаты: үйірме арқылы пайдаланушыларды қолөнер, би, ән-күй түрлерімен таныстыра отырып, шығармашылыққа баулу, еңбекке қызығушылығы мен ой-өрісін кеңейтуде және ұлттық тәлім-тәрбиені бойына сіңірту, эстетикалық талғамын арттыру, оқырмандардың бос уақыттарын тиімді пайдалануына, жүріс-тұрыстарын түзеуге жағдай жасау және өз-өздерін еркін ұстауға дағдыландыру және оқырмандардың салауатты өмір салтын ұстауына жағдай туғызу.
Сондай-ақ, сәндік-қолданбалы өнердің қыр-сырын үйрету, оқушының оқу процесінде алған білімін теориямен ұштастыру, халық шеберлері мен композиторлардың ғасырлар бойы жалғасып келе жатқан құнды шығармаларымен таныстыру, ашық кітап қоры арқылы қазақ халқының және басқа ұлттардың өнері жайындағы кітаптардың алып оқуына ықпал ету осы үйірме жұмысының басты міндеттері болып табылады.
Іс-шара барысында үйірмеге қатысушы талантты жастар өз өнерлерін ортаға салып, бірнеше әндер мен тамаша билерді көрермендер назарына ұсынды.
«Шебер қолдар» үйірмесінің жетекшісі Садуақасова Ақлия апаның үйірме мүшелерімен бірлесіп Ұлы Жеңістің 70-жылдығына арнап жасаған «Мәңгілік алау естелігі» панондағы салынған суреттерге шолу жасап өтті. «Үкілі домбыра» үйірмесінің жетекшілері Ардақ Айерке мен Ақерке үйренуішлермен бірге бірнеше күйлерден папури орындады. Ал, «Гитара сазы» үйірмесіндегі гитарашыларымыздың орындауында «Сен менің бақытымсың» әні шырқалып, «Би шәшудағы» бишілеріміз «Толқынды кеме» вальсі кештің сәнін келтірді.
Кітапханада өткізіліп жатқан іс-шаралар мен үйірмелердің жұмыстарына белсенділік танытып, үнемі қолдау көрсетіп жүрген бизнес колледжі, авиценна медициналық колледжі, электротехникалық колледжі, бизнес колледжі, калматаев атындағы медициналық колледжі, көлік колледжі, педагогикалық колледжінің т.б. оқу орындарының студенттері мен мұғалімдер қауымына алғыс айтылып, марапаттау қағаздары табыс етілді. Салтанатты шеру би кешіне ұласты.