Ұлы Жеңістің 70 жылдығына – 70 кітап оқу: оқырмандар акциясы
Абай атындағы кітапханада 2015 жылдың 8 қаңтарынан бастап мерейтойлық шаралар аясында «Ұлы Жеңістің 70 жылдығына -70 кітап оқу» тақырыбында оқырмандар акциясы өз жұмысын бастап кетті.
Ұлы Жеңіс мерекесі – аға ұрпақтың сол ұлы ерлігін мәңгілік ел жадында сақтауға арналған ең қасиетті мереке. Шараның мақсаты Ұлы Отан соғысы тақырыбындағы әдебиеттерді насихаттап, өскелең ұрпақтың бойында патриоттық рухты қалыптастырып, ардагерлер танытқан қаһармандық пен қайсарлықты үлгі ету. Сонымен қатар, акцияға қатысуға ниет білдірушілер үшін оқырмандарға қызмет көрсету бөлімінде «Жеңіс туы, желбіре» тақырыбында кітап көрмесі ұйымдастырылған. Кітап көрмесіне Ұлы Жеңіс беттерінен сыр шертетін, жауынгерлердің адамзатты неміс фашисттерінен азат етудегі ерлік жолындағы шайқастары туралы әдеби және танымдық әдебиеттер ұсынылған. Акцияға қатысуға ниет білдірушілер Ұлы Отан соғысы туралы 70 танымдық және көркем әдебиет оқып шығуы керек. Шара мерзімі 2015 жылдың 8 қаңтарынан, мамыр айының 5 жұлдызына дейін жалғаспақ.