Білікті маман – заман талабы: кітапханалық-библиографиялық сабақ
2015 жылдың 14 қаңтарында Шығыс Қазақстан облыстық Абай атындағы әмбебап кітапханада М.Әуезов атындағы педагогикалық колледжінің «Кітапхана ісі» факультетінің өндірістік тәжірибе алуға келген 25 білімгерлерімен кітапханалық-библиографиялық сабақ өткізілді.
Пән бойынша алған білімдерін шыңдау мақсатында келген болашақ кітапханашыларға кітапхана ісіндегі жүргізіліп жатқан дәстүрлер мен жаңашылдық, кітапхананың басты басымдықтарының бірі болып табылатын өлкетану қорын жинақтау және сақтау, сұранымдарға анықтамалар орындау және іздеу жолдары, «Шығыс Қазақстан облыстық Абай атындағы әмбебап кітапхана» www.semeylib.kz веб-сайтынан іздеу, виртуалды анықтама қызметін пайдалану ережесі, электрондық каталог пен мәліметтер қоры туралы және библиографиялық тақырыптық құралдарды құрастыру жолдары туралы мазмұнды кеңестер, бағыт-бағдар берілді. Нәтижесінде машықкерлер тақырыптық библиографиялық құрал құрастырды.