Қазақ хандығына – 550 жыл: пікірталас
22 қаңтар күні Абай атындағы кітапхана Шәкәрім атындағы университеттің «Филология» кафедрасының оқытушысы М.Т.Абикеновпен бірлесіп «Қазақ хандығына – 550 жыл» тақырыбында, аталмыш оқу орнының студенттері арасында пікірталас өткізді.
Пікірталас аясында «қазақ хандығы», «қазақ мемлекеттілігі» ұғымдары қайдан бастау алады, елбасының ұсынысын қалай жүзеге асыру керектігі туралы қызу талқыланды. Пікірталаста Б. Жұмаханов, А.Жұман және А.Закарияновалар өз ойларын кеңінен ортаға салып, С.Рауанұлы «Тіл тұғыры» өлеңін орындады. Шара барысында «Қазақ хандығы – мемлекеттіліктің бастауы» тақырыбында кітап көрмесі ұйымдастырылып, еліміздің тарихы мен ұлы тұлғалары туралы және қазақ хандығына байланысты кітаптар мен деректер қойылды. Кітап көрмесіне барлығы 80 нен астам басылым, қазақ және орыс тілдерінде ұсынылды.