Менің Елім-Мәңгілік Ел: тұсаукесер

Абай атындағы кітапхана 30 қаңтар күні Қазақ хандығының 550 жылдығына «Менің Елім-Мәңгілік Ел» тақырыбында кең көлемді экспонатты кітап көрмесінің тұсаукесерін ұйымдастырды.

Кітапхана қызметкерлері көрмеге шолу жасап, әр бөлімдегі әдебиеттермен қатысушыларды жақынырақ таныстырды.

Жаңа Қазақстандық Патриотизмді ұрпақ жадына сіңіріп, жастардың патриоттық рухын қалыптастыру мақсатында ұйымдастырылған көрменің бөлімдері төмендегідей: «Ұлы дала мемлекеттері», «Күмбірлеп көне дәуір сыр шертеді», «Жыраулар поэзиясы- жырдың мөлдір бастауы», «Әдебиет-тарих айнасы», «Семей және Алаш», «Тәуелсіздік-елімнің ерлік жолы». Көрме тақырыпқа сай экспонаттармен безендіріліп, қатысушыларға «Ұлы далаға оралған Ұлы рух» деректі фильмі көрсетілді. Шараға Көпсалалы колледжінің, «Авиценна» медициналық колледжінің студенттері қатысты.