Кітапханалық ИРБИС жүйесіндегі мерзімді басылымдардың библиографиялық жазулары: практикум

2015 жылы 3-4 ақпан аралығында Абай атындағы әмбебап кітапханасы кітапханашы мамандардың кәсіптік біліктілік шеберлігін жетілдіру мақсатында «Мерзімді басылымдардың библиографиялық жазулары» практикумын ұйымдастырды.

Өткізілген уақыты: 3-4 ақпан 2015 жыл. Өткізілген орны: Шығыс Қазақстан облыстық Абай атындағы әмбебап кітапханасының Интернет орталығы. Қатысушылар: аудандық кітапханаларының кітапханашылары. Қатысушылар саны: 3. Шараның мақсаты: кітапхана қызметкерлерінің білімін кеңейту және кәсіби қызметтерінде қолдануын қадағалау. Күтілетін нәтиже: кітапханашылар алған білімдерін кәсіби қызметтерінде қолдану және өз шығармашылықтарын дамыту.

2015 жылы 3-4 ақпан аралығында Абай атындағы әмбебап кітапханасы кітапханашы мамандардың кәсіптік біліктілік шеберлігін жетілдіру мақсатында «Мерзімді басылымдардың библиографиялық жазулары» практикумын ұйымдастырды. Білім беру шарасына аудандық кітапханаларынан 3 кітапханашы маман қатысты. Оқу барысында кітапхана қызметінде ИРБИС бағдарламасының тәсілдері түсіндірілді. Кітапханашы мамандарға Шығыс Қазақстан облыстық Абай атындағы кітапханасының ресми сайты (http://www.semeylib.kz) туралы, электронды библиографиялық дерекқорлар туралы қысқаша ақпараттар берілді. Практикумда «Библиографиялық жазу негіздері», «Библиографиялық сипаттама жасау үлгілері», «ИРБИС-те «Экспорт» және «Импорт» қызметін қолдану», «Шығыс Қазақстан және Қарағанды кітапханаларының корпорациялық жұмысы» сұрақтары оқыту бағдарламасында қарастырылды. Кітапханашылар алған білімін өздерінің кәсіби қызметтерінде пайдалануына мүмкіндік алды. Өткізілген іс-шара кітапханашы мамандарына көмегін тигізеді деп сенеміз.