Ерлердің ерлігі ұмытылмайды: өлкетану оқуы

  • 17.02.2015

2015 жылдың 17 ақпанында Шығыс Қазақстан облыстық Абай атындағы әмбебап кітапханада «Ерлердің ерлігі ұмытылмайды» деген тақырыпта өткен өлкетану оқуының қонақтары М.Әуезов атындағы педколледж студенттері мен соғыста қаза болған жауынгер ұрпақтары болды.

18

Ұлы жеңіске 70 жыл толғалы отырған қастерлі мейрамның мән-мағынасы, құндылығы жылдар зырылдап өткен сайын жас ұрпақ жадында тағылымды өсиет боларлық мәңгі ұмытылмас тарихи күн болып сақталып қалмақ.
2015 жылдың 17 ақпанында Шығыс Қазақстан облыстық Абай атындағы әмбебап кітапханада «Ерлердің ерлігі ұмытылмайды» деген тақырыпта өткен өлкетану оқуының қонақтары М.Әуезов атындағы педколледж студенттері мен соғыста қаза болған жауынгер ұрпақтары болды.
Бір минут үнсіздікпен қаза болғандарды еске алудан кейін берілген мазмұнды дәріс майданның алғы шептерінде жүріп өткен семейліктердің ерлікке, қаһармандыққа толы жолдары мен тылдағы жанкешті еңбектеріслайд арқылы көркемделіпшараның ажарын ашты.
Соғыс ардагері Атамбай Оразбаевтың білім алсам деген арманы алыстап, өз замандастарымен бірге алғашқылардың бірі болып Отанын қорғау үшін қан майданға аттанғаны туралы жазып алынған бейнежазбасы қызығушылықпен тыңдалды. 100-атқыштар құрамасының жауынгері Атамбай КСРО батыры Мәншүк Мәметовамен соғысқаны және Невель қаласында бірнеше жолдастарымен батыр қыздыжерлеуге қатысқаны туралы айта келе, қаншама боздақтар Отаны үшін жанын пида етті, енді келешек ұрпақ мұндай сұмдық соғысты көрмесе екен, бейбіт тыныш өмір ұзағынан болса екен деген жүрек жарды тілегін жеткізді.
Соғыста қаза болған жауынгер ағайындылар Мағауия, Ғабдолла Дүйсекиндер ұрпақтары атынан сөз алған Ғалия, Какима Мағауияқыздары әкелерінен келген үшбу хаттар тарихынан сыр шертіп, сол кезде ер-азаматтардың орнын жоқтатпай еңбек еткен қайран аналарының жанкешті еңбектері туралы мазмұнды әңімелерімен тыңдаушыларды ұйытты. Педколледж студенті Ақмаржан Иманкалиеваның соғыс туралы орындаған әні мен «Поэзия бұлағы» жас ақындар клубының мүшелері Роллан Кеңесхан, Исмайлова Ұлжалғастың соғыс туралы тақпақты мәнерлеп оқып беруінен жастардың шараға ерекше дайындалғаны бірден байқалды. «Ерлікті ұлықтау – ұлықты іс» атты кең көлемді кітап көрмесімен танысқан оқырмандар қажетті ақпараттарын жаздырып алды. Отансүйгішттікке, патриоттыққа тәрбиелеуде мұндай шаралар алдағы уақытта жүргізіле бермек.