Абай мұрасы-халық қазынасы: акция

Абай атындағы кітапхана 19 ақпан күні қазақтың бас ақыны Абай Құнанбаевтың туғанына 170 жыл толуына байланысты «Семавтопарк» және «Азия Сombi» ЖШС бірлесіп қаладағы бағытты автобустарда «Абай мұрасы –халық қазынасы» тақырыбында акция ұйымдастырды.

Абай – артына өлмейтұғын сөз, өнеге, өсиет қалдырған, ұрпақтан-ұрпаққа жалғасып, ғасырдан-ғасырға асып, туған халқымен бірге жасаса беретін кемеңгер. Акцияның мақсаты: қала жұртшылығын 2015 жыл Абай Құнанбаевтың 170 жылдық мерейтойын атап өтуі туралы ақпараттандырып, Абай әлемін насихаттау. Кітапхана қызметкерлері қалалық 41-ші, 2-ші , 38-ші, 12-ші бағытты автобустарына Абай Құнанбаевтың шығармашылығы мен өмір жолы туралы екі тілде ақпараттық беттер іліп, жолаушыларға ақынның мол мұрасы туралы мағлұматтар берді.

Аялдамаларда қала жұртшылығына буклеттер, бетбелгілер таратылды. «Абай парасатын, Абай діттеген кісілік салауатты бойымызға сіңіріп, күнделікті рухани кәдемізге жарата білсек, Абай жарқын бейнесімен, жалынды жырымен, нақыл сөздерімен халқымен бірге мәңгі жасай бермек»,- деп аялдамадағы қала тұрғындары өз ойларын жеткізді.