Дін бірлігі – татулықтың негізі: кітап көрмесі

Абай атындағы кітапханада 20 ақпан күні «Дін бірлігі – татулықтың негізі» тақырыбында жастардың діни сауаттылықтарын жетілдіріп, адамгершілікке, имандылыққа, қайырымдылыққа тәрбиелеу мақсатында кітап көрмесі ұйымдастырылып, шолу жасалды.

Діннің адамзат тарихынды алатын орыны ерекше, сонымен бірге дінге деген көзқарастар да әр дәуірде, әр қоғамда әрқилы болып келген. Егемен ел атанған Қазақстан мемлекетінің азаматтары үшін бұл қажеттіліктің өзіндік еркшеліктері де жоқ емес. Кітап көрмесінде С.Сейтбековтің «Иман негіздері», «Ислам ынтымақ пен бірлік жолында», А. Әділбаевтің «Саңлақ сахабалар», Ә. Сәдуақасұлы «Дін тәрбие дінгегі» және тағы басқа кітаптар мен мерзімді басылымдар беттерінде жарияланған мақалалар оқырман назарына ұсынылды.