Шетел кітапханаларының жаңалықтары: электрондық таратылым
2015 жылы 10-23 ақпанында Шығыс Қазақстан облыстық Абай атындағы әмбебап кітапханасының автоматтандыру бөлімі аймақтық кітапханаларға жаңашыл қызмет түрлерін жұмыста қолдануда кеңестік көмек берудің аясында кітапхана жұмысының әлемдік тәжірибесімен таныстыру мақсатында «Шетел кітапханаларының жаңалықтары» электрондық таратылымын ұсынып, қашықтағы талқылау кеңесін ұйымдастырды.
Шара бағдарламасында: шетел кітапханалары жұмысының жаңалықтарын талқылау және 2014 жылдың ең жақсы жаңалығын таңдау. Электрондық таратылым беттеріне кәсіби қызметте жаңа технологияны қолдану туралы шетелдік АҚШ, Ұлыбритания, Германия, Италия, Франция, Китай кітапханалары материалдары, сондай-ақ кітапхана қызметінде түрлі шаралар ұйымдастыру мен өткізу туралы ақпараттар енгізілді. Қашықтағы талқылау кеңесінде 22 кітапхана қызметкері қатысты. 2014 жылдың ең жақсы жаңалығы болып «Билет для зайца» – Берлиндік мемлекеттік кітапханасының «Жасыл автобус кітаптармен» ауыл аралап кітап тарату туралы жаңалығы http://www.rg.ru/2012/05/10/german.html сайланды. Кітапханашылар инновациялық технология бойынша алған кәсіби ақпараттарды өздерінің қызметтерінде пайдалануына мүмкіндік алды.