Арулар отты жылдардарда: бейне-әдеби шығарылым көрсетілімі

5 наурыз Абай атындағы кітапхананың шетел әдебиеттер бөлімі қызметкерлері 8 наурыз Халықаралық әйелдер күні мерекесіне арнап, «Арулар- отты жылдарда» атты бейне-суретті фильм жасады. Бұл еңбектің негізгі мақсаты: Ұлы Отан соғысы жылдарында ерен еңбектерімен Отанын қорғаған арулар бейнесін өскелең ұрпаққа таныту.

Фильм зұлмат жылдардағы қазақ қызы Әлия бейнесі желісімен басталып, батыр қыздардың суреттерімен тізбектеліп, сол уақыттан сыр шертеді.

Ұйымдастырылған іс-шараға келушілерді бірінші кезекте кітапхананың арнайы түрде жасақтаған «Ұлы Жеңіс- ұрпаққа аманат !» атты Жеңістің 70 жылдығына арналған көрмесімен таныстырылудан басталды.

Іс-шара барысында аталмыш жылдарды еске салатын естеліктерден үзінділер айтылып, сол кездегі қыздардың ерен батырлықтары жайлы сөз қозғалып, 1941-1945 жылдардағы тарих шежіресі жайында сұрақтар қойылды.

«Арулар- отты жылдарда» бейне-суретті фильмі көрсетіле отырып, соғыс жылдарындағы адамдар тағдыры жайында пікірлер ортаға салына отырып, «Соғыс және жеңіс» тақырыбындағы әндерге кезек берілді.

Іс-шара соңында, ғұмырлары қыршынынан қиылған батыр да, батыл, Отанын жанкештілікпен қорғай білген, апкелер рухына арналып үнсіздік жарияланды.