Ардагердің әскери билеті мен марапаттары біздің көрмеде

Жеңістің 70 жылдығына арналған кітапханалық «Ұлы Жеңіс- ұрпаққа аманат» атты экспозициялық кітап көрмесі, 13 наурыз күні жаңа ақпаратпен толыға түсті.

Ұлы Отан соғысына қатысқан жерлестерімізге арналған «Семейліктер соғыс жылдарында» бөлімі оқырмандар мен қала жұртшылығы тарапынан қолдау тауып, іске асуда.

Осы көрме арқылы кітапхана пайдаланушыларына Ұлы отан соғысына қатысқан ардагерлерді таныта түсудеміз. Көрменің жаңа беті Ұлы Отан соғысының ардагері- Ұқай Мұхамадиев есімімен жаңартылды десе де болады.
Ел көңіліндегі, ескі есімді жаңа өскелең ұрпаққа танытуға зор үлесін қосқан оның баласы, өмірінің ізі- қызы Хозаева Калия Ұқайқызына алғысымызды білдіреміз.

Хозаева Калия Ұқайқызы біздің көрмеге Отан үшін от кешкен әкесі Ұқай Мұхамадиев туралы тың ақпараттардың көшірмесін тарту етті.

Оның өмір жолына тоқтала кетсек: Мұхамадиев Ұқай 1912 жылы, Семей облысы, Көкпекті ауданы, Қарағанды-Көл ауылында дүниеге келген. 1942 жылы Самар аудандық әскери комиссариатына шақырылады. Қатардағы жауынгер Мұхамадиев Ұқай 1008 атқыштар полкына қабылданды. Ол сол кезеңдерде 3-ші дәрежелі Даңқ орденімен, «Варшаваны азат еткені үшін», «Берлинді азат еткені үшін», «1941-1945 жж Ұлы Отан соғында Германияны жеңгені үшін» төсбелгілерімен марапатталды.
1942-1945 жылдары Ұлы Отан соғысы даласында ерлікпен шайқасты.

Соғыстан соң, туған жері Семей облысы, Көкпекті ауданына оралып, «Үлгілі малшы» совхозында аға малшы қызметін атқарады. Ол мал шарушалығында да ерекше еңбегімен көзге түсе біліп, 1956 жылы 100 биеден 100 құлын алып мал өсімін көбейтті. Бұл еңбекті Кеңестік өкімет өте жоғары бағалады. Ол осы жылы, яғни 1956 жылы Мәскеудегі Бүкілодақтық ауылшаруашылық көрмесіне шақырту алып, ауылшаруашылығындағы қайталанбас ерен еңбегі еленіп, төсбелгімен марапатталды.

Көрмедегі Ұқай Мұхамадиевтің әскери билеті, уақытша куәлігі және марапаттары туралы куәліктері көшірмесі қалың жұртшылыққа таныстырылуда.