Біздің көрмеміздегі әскери жүргізушінің жауынгерлік жолы

Кітапханамыздағы « Ұлы Жеңіс – ұрпаққа мұра» кітап көрмесі 8- сәір күні тағы да бір жәдігермен толықтырылды.

Ұлы Отан соғысының ардагері Асайынов Шағанның ұлы әкесінің жауынгерлік жолы туралы көптеген материалдар алып келіп, семейлік соғыс қаһармандары қатарын тағы бір есіммен тлықтырды.

Асайынов Шаған 1920 жылы 15 ақпанда Шығыс Қазақстан облысы, Бесқарағай ауданының Атшапқан ауылында дүниеге келген. 1942 жылы Рубцовск әскери комиссариятымен майданға шақырылады. 1942 – 1945 жылдар аралығында 59-армияның 115-атқыштар корпусының құрамында әскери жүргізуші болып майдан жолдарынан өтеді. Оның әскери бөлімі Батыс, Украина, Волховск, Ленинград майдандарында жауға қарсы шайқастар өткізді. Висла-Одер стратегиялық операциясына қатысты. 1-Украин майданы құрамында Берлинді алуға, Вена мен Праганы азат етуге қатысады. 1945 жылы 5мамырда Праганы азат етуде Асайынов Шаған ауыр жараланып, 1946 жылы күзде елге қайтады.

Оның майдан жолы «Жауынгерлік Қызыл Ту» орденімен, «Жауынгерлік ерлігі үшін», «Ленинград қорғанысындағы ерлігі үшін», «Венены алғаны үшін”, «Праганы азат еткені үшін», «Берлинді алғаны үшін» медальдарымен атап өтілген. Көрмеге оның жауынгер достарымен түскен суреттері, наградалары туралы бұйрықтары мен жауынгерлік наградалары қойылған.