Орманды өрттен сақтайық: колледж студенттерінің слеті

2015 жылдың 24 сәуірінде Абай атындағы әмбебап кітапхана қызметкерлері бесінші рет өткізіліп келе жатқан «Халықаралық саябақ шеруі» аясындағы шараға қатысып қайтты.

Шеру Семей қалалық ішкі саясат бөлімінің қолдауымен өткізіліп отыр. Ұйымдастырушылар: «Төтенше жағдайлар» басқармасы, «Семей орманы» мемлекеттік табиғи орман резерваты, биологиялық орталық, «Прииртышье» өлкетанушылар қоғамы мекемелері атсалысты. Жастардың бойына туған жер табиғатын қорғау, оған деген ерекше құрмет сезімін қалыптастыру бағытындағы бағдарлама бойынша өткен түрлі байқаулар мен жарыстар өз нәтижесін берді.

Ойынға қатысқан 7 команда ойыншылары төтенше жағдайлар туындаған кездегі іс-әрекет дағдылары бойынша 12 түрлі жарыс белестерін: құтқару жұмыстары, «Өз ойының», «Кім жылдам?», «Өрмелеп өту», «Аспалы өтпел», «Төтенше шабаданын жинау» т.б. экологиялық сұрақ-жауап байқаулары арқылы жастар өздерінің тапқырлық қабілеттері мен саналылықтарын көрсете алды. Нәтижесінде, жүзден жүйрік шыққандарға бағалы сыйлықтар мен марапат қағаздары табысталды. Іс-тәжірибеден өткен студенттер естелікке суретке түсіп, тамаша табиғат аясында өткен айтулы шараға ризашылықтарын білдірді.