Ұлттық поэзия айы – National Poetry Month: ақпаратты сағат
2015 жылы 29 сәуір күні Абай кітапханасы шетел әдебиеттер бөлімі қызметкерлері Америка сөресі аясында «Ұлттық поэзия айы – National Poetry Month»: ақпаратты сағат ұйымдастырды.
Ақпаратты сағатта Америка, Ұлыбритания, Ресей елінің және Қазақстанның танымал ақындарының шығармашылығы таныстырылды.
Бөлім қызметкерлері бұл мейрамның Америка елінен бастау алатындығына тоқталып, 1996 жылы Америка ақындарының академиясы АҚШ поэзиясының бағасын, мәнін жоғарылату мақсатында арнайы күн ретінде атап өту керектігі жөнінде шешім шығарғандығы туралы айта келе, 1999 жылдан ауқымды түрде тойланатындығын жеткізді.
Іс-шараға қатысушылар ақындарға деген Америка елінің құрметіне тәнті бола отырып, осындай мейрамдар әр елде көптеп болса деген ойлар қозғады.