«Жасыл» болашақ энергиясы: видеомарафон
2013 жылдың 12 сәуірі күні Шығыс Қазақстан облыстық Абай атындағы әмбебап кітапханасының қызметкерлері Технологиялық колледже «ЭКСПО–2017» бағдарламасы аясында «Жасыл» болашақ энергиясы» тақырыбында «Ертеңгі күнге сеніммен» («Бота» қоғамдық қоры) және «Саламатты қоғамға бір адым алға» (Шығыс Қазақстан облысы жұмыспен қамту бағдарламасы және ММ үйлестіру басқармасы) әлеуметтік жобасының тұрақты әріптесі ретінде бірлесе отырып видеомарафон өткізді.
Өткізілген күні: 12 сәуір 2013 жыл. Өткізілген орны: Технологиялық колледж. Қатысушылар: мүмкіндігі шектеулі балалар мен студенттер. Қатысушылар саны: 40 адам. Мақсаты: 1851 жылдан бастау алып келе жатқан Бүкіләлемдік көрмелер тарихымен және 2017 жылы Қазақстан Республикасында өтетін ЭКСПО көрмесінің біздің еліміз үшін қажеттілігі мен маңызы туралы ақпараттар беру. Күтілетін нәтиже: жастарды отанымызда ЭКСПО-2017 көрмесін өткізу үшін жүргізіліп жатқан шаралармен таныстыра отырып, отансүйгіштік пен өз еліне деген мақтаныш сезімін ояту.
2013 жылдың 12 сәуірі күні Шығыс Қазақстан облыстық Абай атындағы әмбебап кітапханасының қызметкерлері Технологиялық колледже «ЭКСПО–2017» бағдарламасы аясында «Жасыл» болашақ энергиясы» тақырыбында «Ертеңгі күнге сеніммен» («Бота» қоғамдық қоры) және «Саламатты қоғамға бір адым алға» (Шығыс Қазақстан облысы жұмыспен қамту бағдарламасы және ММ үйлестіру басқармасы) әлеуметтік жобасының тұрақты әріптесі ретінде бірлесе отырып видеомарафон өткізді. Шара барысында Бүкіләлемдік көрме жайында қызықты фактілер келтіріле отырып, маңызды оқиғалар және Халықаралық көрмелер бюросының жұмыстары жайында көптеген мәліметтер берілді. Қатысушылар назарына әр елде өткізілген Халықаралық көрмелердің видеодеректері ұсынылды. Видеомарафон барысында еліміздің жас және ең әдемі астанасы – Астана қаласының қазіргі және құрылғаннан кейінгі бес жылдан кейінгі жаңа келбеті туралы қатысушылардың назарына видеофильм ұсынылды. Бұл Қазақстанның халықаралық сахнадағы беделін одан әрі арттырып, Астананың атағын тағы да төрткүл дүниеге паш ететін деректі фильм. Шара барысында қатысушыларға ЭКСПО көрмелерінің тарихы туралы викторина сұрақтары ұсынылды. Аталмыш көрмені өткізу елорданың, жалпы, бүкіл республикамыздың экономикалық және инфрақұрылымдық дамуына жаңа серпін береді. Видеомарафон «Жаңғырмалы энергия көздері» атты мерзімді басылымдардан ұйымдастырылған кең мазмұнды көрмені тамашалаумен жалғасты. Көрмеге 27 мерзімді басылымдар қойылды.