Ұлы Дала мемлекеттері: видео-дәріс

  • 29.04.2015

Семей қаласындағы «Халыққа қызмет көрсету орталығында» 29 сәуір күні Абай атындағы кітапхана қызметкерлері Қазақ хандығының қалыптасуына 550 жылдығы мерейтойына арналған «Ұлы Дала мемлекеттері»тақырыбында дәріс ұйымдастырды.

Кітапхананың «Қоғаммен байланыс және көпшілік іс-шаралар» бөлімінің қызметкерлері дәріс барысында Қазақ хандығының тарихы мен ішкі-сыртқы саясаты, қазақстандық патриотизмді нығайтудағы маңызы мін мәні жайлы әңгімелеп қатысушылар назарын аудартты.

32

Хазақ хандығының қалыптасуы, Руна ескерткіштері жазбалары туралы ғылыми зерттеулері жайында сұрақтар талқыланды. Тарихи мәліметтер желісінде дайындалған слайд қатысулардың тақырыпты терең ұғынуына көмек болды. Қатысушылардың назарына Түрік қағанатының қолбасшысы Күлтегінге арналған слайд-саяхат ұсынылды. Шара соңында кітапхана қызметкерлері «Халыққа қызмет көрсету орталығы» қызметкерлерінің сұрақтарына жауап берді. Шара «Ұлы Далаға оралған Ұлы Рух» атты Үлкен Күлтегін ескерткішінің Қазақстанға келуі жайында деректі фильм көрсетілімімен аяқталды.